U CRUCIFISSU
Barrafranca. “U Crucifissu un nesci mancu auannu…”, il Crocifisso non esce anche quest’anno, inizia così la poesia in vernacolo barrese scritta, e recitata dallo stesso autore, Prof. Alessandro Geraci che esprime in versi la propria grande delusione, interpretando anche quella dell’intero popolo barrese, per la seconda mancata processione del venerdì Santo a causa delle restrizioni dovute al Covid-19. Dopo i primi versi, dove si esprime un profondo senso di solitudine ed abbandono, alla stessa stregua di anime dannate Il dialogo con il Cristo in croce è diretto, frontale. “Cosa Vi abbiamo fatto di male per meritare questa tegola in testa? Mandate via questo brutto male” e ancora “…Signore, Voi che avete sempre fatto del bene non ci lasciate tra guai e pene”. La poesia è ora un accorato appello, ora una struggente preghiera per i sofferenti, per chi ha perso il bene più caro, la salute e si trova a combattere in un letto di ospedale e nessuno per loro ha più rispetto.
U Crucifissu
U Crucifissu un nesci mancu auannu
e resta nta chisa e ccu tantu affannu
talìa a nuatri suli e bannunati
comu si fossimu armi dannati.
Signuri nenti a mmu fattu di mali
pirchì nta noscia testa ssu canali?
Vuatri chi putiti fari tuttu
mannati luntanu stu mali bruttu.
Senza u santu aiutu simmu pirduti
simmu strammati comu immiruti
Signuri ca tu fattu sempri beni
u nni lassati a mminzu a guai e peni.
Vi vulimmu purtari ncapu i spaddi
ccu tutta a forza di cintu cavaddi
Comu sempri girari ntu paisi
farivi passari davanti e chisi.
Ma sapimmu chi chissu u nsi po fari
simmu bbiliati ma na ta pirdunari,
ma vi facimmu sullenni prummisa
chi sulu u nvi lassammu dintra a chisa.
Simmu comu cidduzzi c’anu fami
cu nsu mpinnati e volanu di rami
ppi circari quarcosa di mangiari
ppi nun continuari a diiunari.
Macari nu vulammu o nidu ranni
pirchì un putimmu iri a atri banni
Signuri ppi nuatri siti patri
ie a Madinnuzza santa, noscia matri.
Ppi st’annu u nnu girati strati strati
ccu tutti i beddi scocchi colorati
Mancu i baiardi putimmu brazzari
e di luntanu va mma salutari.
Ie un vidimmu cchiù a mminzu i stiddi
l’ucchi vusci chi parunu faiddi
chi talianu u populu ffuddatu
chi vi preia ccu cori sdisulatu.
Macari a Madinnuzza ddulurata
ciangi a so figghiu e resta scunsulata,
San Giuanni chi ma’ a va bbannunatu
ncasa so resta fermu e mpirtusatu
Ddi munacheddi biddi e amurusi
ccu l’ucchi di meli e ntu mantu chiusi
un vanu ccua Madonna lacrimanti
ccu cori murtu e l’arma spasimanti.
Cchiù u nsi lamenta Triddu Bacchittuni
nsemmula ccu tutti i so cumpagnuni.
Manca a banna e a musica a lamintu
chi percia u cori e tuttu u sintimintu.
Nncruci muristi ppi tutti i piccati
ma nenti a cangiatu, simmu dannati
e nuddu cchiù pensa chi c’è a morti
chi spetta nsilenziu darriri e porti.
“Cu pati pp’amuri un senti duluri”
e vi ringraziammu ppi tantu amuri
E ristammu ppi sempri debituri
pirchì ricanuscimmu i nusci erruri.
E ppi chissu dumannammu “Pietà”
“Misericordia” ppa voscia bontà.
Vu ristati sempri padri e Signuri
e nuatri figghi senza russuri.
Ora vi priammu ccu cori mmanu
senza susiri a vuci, pianu pianu.
“Signuri taliati i puvuriddi
cunn’anu cchiù nenti, mancu i capiddi.
Pinsati a chiddu chi lassa stu munnu
dispratu e stancu comu un vagabunnu
Stati vicinu a chiddu chi ie sulu
abbannunatu ie senza cunsulu.
U nvi scurdati a bedda gioventù,
sula, bannunata cu nni po cchiù.
Scansatila da tinta cumpagnia
pp’un farici perdiri a giusta via.
Dicitici a Madonna di iutari
tutti i fimmineddi ca na ccattari,
chi nta panza portanu un picciliddu
chi nti so vrazza u vunu sanu e biddu.
Pietà ppi mammi cqui figghi luntani
ca nu ristatu suli comu i cani
un sanu cchiù a chi santu sa na vutari
ppi dd’ucchiuzzi biddi fari turnari.
Un vi scurdati da genti sofferenti
ca nu pirsu a saluti e unn’anu nenti
e di chiddi iccati nfunnu a un littu
pirchì d’iddi nuddu avi cchiù rispittu.
Signuri chi fustivu cunnannatu
senza aviri fattu mancu un piccatu
vi dumannammu ccu tuttu l’arduri
tanta saluti, paci e tantu amuri”.
Barrafranca 30/03/2021
